AQSh-tan Ózbekstan arqyly deportatsııalanǵan mıgranttar arasynda qazaqstandyqtar bar

ASTANA. KAZINFORM — AQSh-tan Ózbekstanǵa barlyǵy 131 zańsyz mıgrant deportatsııalandy, dep habarlaıdy DW.

Bular Ózbekstan, Qazaqstan jáne Qyrǵyzstan azamattary.

AQSh Іshki qaýipsizdik mınıstrliginiń (MQM) málimetteri boıynsha Tashkent Ózbekstan azamattaryn deportatsııalaý shyǵyndaryn tolyǵymen óz moınyna alǵan.

Fox News telearnasynyń habarlaýynsha, Ózbekstan bıligi mıgranttardy jetkizetin charterlik ushaqty tolyǵymen tólegen.

— Vashıngton men Tashkenttiń Ózbekstan esebinen deportatsııa týraly kelisimi Donald Tramptyń jańa ákimshiliginiń alǵashqy osyndaı qujaty boldy, — dep habarlaıdy telearna.

Qazaqstan jáne Qyrǵyzstan tólqujattary bar mıgranttar odan ári óz otandaryna jiberiletini aıtylǵan.

Buǵan deıin Tramp ákimshiligi sheteldik stýdentterdi deportatsııalaý erejelerin ózgertkeni málim boldy.