AQSh-tan qýylǵan «orys agenti» Microsoft korporatsııasynda jumys istegen
ASTANA. Shildeniń 14-i. QazAqparat - Kóshi-qon júıesin buzǵany úshin seısenbi kúni AQSh-tan eline kóshirilgen reseılik Alekseı Karetnıkov Microsoft kompanııasynda jumys istegen. Bul jóninde Lenta.Rý habarlaıdy.
BAQ málimetteri boıynsha, 23 jastaǵy Karetnıkov Vashıngton shtatynyń Sıetl mańyndaǵy Redmon qalashyǵyndaǵy Microsoft shtab-páteri ornalasqan aýdanda turǵan. Kompanııadaǵylar Karetnıkovtyń baǵdarlamalyq qamtamasyz etýdiń synaqshysy bolyp qyzmet atqarǵanyn rastady.
Alekseı Karetnıkovtyń 2009 jyly Sankt-Peterbýrgtegi memlekettik polıtehnıkalyq ýnıversıtetti támamdaǵany jáne sol jyly úılengeni belgili bolǵan.
Karetnıkovty Sıetlde maýsymnyń 28-inde qamaýǵa alǵan, alaıda onyń ustalǵandyǵy týraly tek, shildeniń 13-inde ǵana belgili boldy. Ol AQSh-qa 2009 jyldyń qazanynda kelgen. Seısenbi kúni Karetnıkov kóshi-qon tártibin buzǵandyǵyn moıyndady. Habarlaýlarǵa qaraǵanda, Reseı agentýrasynyń ishinde Karetnıkovtiń atqarǵan róli asa mańyzdy bolmaǵan. Onyń asa mańyzdy, qupııa sanalatyn qujattarmen jumys istegeni anyqtalǵan joq.
