AQSh-tan kelgen maman túrkistandyq dárigerlerge sheberlik sabaǵyn ótkizdi
TÚRKІSTAN. QazAqparat - AQSh-tan kelgen úzdik maman Rıchard Charlz elimizde tuńǵysh ret tájirıbesimen bólisti. Sheteldik maman Túrkistan oblysynyń dárigerlerine qıyn jaǵdaıda túsken naýqastarǵa shuǵyl kómek kórsetý boıynsha sheberlik sabaǵyn ótkizdi, dep habarlaıdy QazAqparat tilshisi.
Oblystyq Densaýlyq saqtaý basqarmasynyń basshysy Muqan Egizbaevtyń arnaıy shaqyrtýymen kelgen kásibı maman Alabama shtatynda jedel medıtsınalyq, jetildirilgen jáne taktıkalyq shuǵyl medıtsınalyq kómek salasynda qyzmet kórsetedi. Ol Túrkistan qalasynyń emhanasynda amerıkalyq BLS, ALSD tehnologııasy boıynsha sabaq ótti. Óńirdiń feldsherleri men medbıkelerine, reanımatologtary men JTD dárigerlerine buryn sońdy bolmaǵan múmkindikterdi kórsetti.
«Búgingi tańda alǵashqy medıtsınalyq kómek kórsetý adam ómirin qutqarýda basty rólge ıe. Sheteldik maman bizdiń dárigerlerimizge bul tehnologııany sońǵy halyqaralyq standarttar boıynsha oqytatyn bolady. ıAǵnı, qıyn jaǵdaılarda shuǵyl kómek kórsetý boıynsha bizdiń dárigerlerimizdiń kásibı deńgeıi odan da joǵary bolady degen sóz», - deıdi Túrkistan qalalyq emhanasynyń bas dárigeri Janar Ospanova.
Rıchard Charlz aty álemge áıgili feldsher, reanımatolog, halyqaralyq deńgeıdegi nusqaýshy jáne jattyqtyrýshy. Ol Alabama shtatynda medıtsınalyq kómek korporatsııasynda jumys isteıdi. 22 jyldan astam ýaqyt ishinde doktor AQSh-tan tys elderde birneshe sheberlik sabaqtaryn ótkizip júr. Bul joly dáriger qurlyq aspas buryn, qazaq ultynyń ádet-ǵurpy men erekshelikteri jaıly surastyryp, bilgen. Sapary aıasynda ol jergilikti dárigerlerge ártúrli medıtsınalyq mýlıajdardy syıǵa tartty.
«Qazaqstanǵa alǵash ret keldim. Túrkistan maǵan qatty unady. Tarıhı eskertkishterge baı, kóne shaharlary bar sizdiń halyq baqytty eken. Ata-baba rýhyn sezine alatyndaı osyndaı tamasha aımaqta turyp jatqan halyqtyń joly bolǵysh dep oılaımyn. Meni dárigerlerdiń kásibılik deńgeıi de qýantty. Basty maqsatym - meılinshe kóp mamanǵa adam ómirin saqtaýdy úıretý», - deıdi Rıchard Charlz.
