AQSh-tan kelgen baıqaýshy saılaýǵa qatysty pikir bildirdi

ASTANA. QazAqparat – AQSh-tan kelgen baıqaýshy, Eurasian Security & Prosperity portfolio aǵa dırektory doktor Kamran Boharı Qazaqstandaǵy saılaýǵa qatysty pikir bildirdi, dep habarlaıdy QazAqparat tilshisi.

«Atap aıtqanda, saılaýshylardyń daýys berýge barynsha qatysýyna nazar aýdarý kerek. 19 naýryz kúni qala turǵyndary saılaý ýchaskelerine qaraı kelip jatqanyn kórdik. Osy oraıda olardyń osy saılaýǵa kelýin qandaı sebepter yntalandyryp turǵanyn surap bildik», - dedi doktor Kamran Boharı elordadaǵy Halyqaralyq baıqaýshylarǵa qolǵabys kórsetý ortalyǵynda ótken brıfıngide.

Osy oraıda ol bıyl jańa partııalardyń qosylýy daýys berýshilerdiń tańdaý jasaýyna áser etkenin aıtty.

«Birinshiden, alǵash ret qatysyp jatqan jańa partııalarǵa múmkindik jasaldy. Partııalar qandaı qundylyqty, ustanymdy nasıhattap jatqanyn qarasańyz, birqatar sala qamtylǵanyn baıqaýǵa bolady. Jalpy, Qazaqstan qazirgi kúrdeli geosaıası kezeńde óziniń bastamalaryn júzege asyryp jatqanyn mańyzdy dep bilemiz. Qazir saılaýdyń túpkilikti nátıjeleri jarııalanǵan joq. Sondyqtan naqty qorytyndyny alǵannan soń, tıisti taldaý málimetin kópshilikke taratamyz», - dedi baıqaýshy.

Aıta keteıik, 19 naýryzdaǵy aldyn ala qorytyndy boıynsha saılaýshylardyń 54,19 paıyzy daýys berýge qatysty.