AQSh-tan kelgen baıqaýshy: meni adamdardyń ynta-yqylasy qyzyqtyrdy
Rıchard Ýılıam Veıttstyń aıtýynsha, Qazaqstanǵa táýelsiz baıqaýshylar mıssııasynan tórt adam kelgen, úsheýi Astanada jumys istep jatyr.
«Bizdiń basty maqsatymyz – daýys berý protsesin kórý, sonymen qatar mańyzdy taǵy bir maqsat – Qazaqstandaǵy saıası, ekonomıkalyq, áleýmettik jaǵdaı kontekstinde saılaýdy baqylaý jáne baǵalaý úshin keńirek kontekstti qamtamasyz etý», - dedi ol.
Rıchard Ýılıam Veıttstyń pikirinshe, Qazaqstanda ótip jatqan mańyzdy saıası naýqanǵa AQSh ókilderiniń baıqaýshy bolýy mańyzdy.
«Biz transulttyq lańkestikpen kúres, aımaqtyq qaqtyǵystardy retteý, ekonomıkalyq resýrstardy ıgerý, áleýmettik-ekonomıkalyq damý sııaqty salalarda yntymaqtasamyz», - dep atap ótti AQSh atynan kelgen baıqaýshy.
Spıker túske deıin 12 saılaý ýchaskesine baryp úlgergen.
«Meni bul saılaýda halyqtyń ynta-jigeri qyzyqtyrdy. Óıtkeni táýelsiz kandıdattar, plakattar men úgit-nasıhat jumystary óte kóp. Ázirge eshqandaı zańbuzýshylyqty kórmedim, saılaý tynysh ótip jatyr», - dedi Rıchard Ýılıam Veıtts.
