AQSh-tan birjola ketkisi keletin amerıkalyqtardyń úlesi 16 paıyzǵa jetti
ASTANA. QazAqparat - Gellap ınstıtýty júrgizgen saýalnama nátıjesi boıynsha, AQSh-tan ketkisi keletin amerıkalyqtardyń sany rekordtyq kórsetkishke jetken, dep habarlaıdy QazAqparat.
2017-2018 jyldary amerıkalyqtardyń 16% turǵylyqty mekenin aýystyrý úshin basqa elge ketkisi keletinin bildirgen. Degenmen, bul - álemdik standarttarmen salystyrmaly túrde alǵanda, ortasha kórsetkish.
Elden birjola ketkisi keletinderdiń ishinde áıelder jaǵy basym, olardyń 20% osyndaı nıet tanytqan. Al erler arasynda bul kórsetkish 13% aınalasynda. Jas erekshelikteri jaǵynan alǵanda, 30 jasqa tolmaǵandardyń 30%-y, sondaı-aq tabysy az amerıkalyqtardyń da shamamen úshten biri (30%) basqa elden baqyt izdegisi keledi.
Saýalnama nátıjesine qaraǵanda, Kanadaǵa kóz tikken amerıkalyqtardyń sany burynǵysynan da artyp keledi. 2016 jyly bul kórsetkish 12% bolsa, 2018 jyly Amerıkadan ketkisi keletinderdiń 26%-yn soltústiktegi kórshisi qyzyqtyra bastaǵan.
Aıta keteıik, ózge elge ketýdi qalaıtyndardyń sany, naqty jospar qura bastaǵandarǵa qaraǵanda áldeqaıda kóp. Bir sózben aıtqanda, amerıkalyqtar jappaı shekara asyp, Kanadaǵa ketedi deýge bolmaıdy.
Aıta keteıik, saýalnama telefon suhbaty arqyly júrgizilgen, oǵan AQSh-tyń 15 jastan asqan 1000 azamaty qatysqan.
