AQSh-taǵy júk kóligin júrgizýshi qazaqstandyqtar týraly fılm ǵalamtorda 100 myńǵa jýyq ret tamashalanǵan
«Tórt kún ishinde AQSh-taǵy qazaqstandyq júk kóligin júrgizýshiler týraly "Truckdriver" fılmin youtube jelisinde 53 000 adam tamashalaǵan. Al Facebook-ta 40 000 ret qaralǵan. Men muny kútpep edim, bárińizge rahmet! Sizder kóbirek jumys jasaýǵa yntalandyrasyzdar. Fılmniń keıipkerlerine aıtqan jyly sózderińizdiń olar úshin mańyzy zor», dep jazady Instagramda fılmniń avtory ári rejısseri Qanat Beısekeev (@beisekeyev). Keshterdiń birinde Nıý-Iorktegi barda Qanatqa tanys kólik júrgizýshisi Nurlan óziniń aldaǵy sapary týraly aıtyp bergen. Kelesi kúni tańerteń Qanat onyń kóligine otyryp, eki apta ishinde AQSh-tyń barlyq shtattaryn aralap shyqqan. Nurlan Amerıkaǵa budan jeti jyl buryn kóship barǵan. Óz otandarynan jyraqta júrse de, olardyń týǵan elge de súıispenshilikteri joǵary. Fılmge Nurlan Qojahmetov, Nurbek Hasen, Baýyrjan Júnisov, Rústem Qajkenov, Álıhan Jańbyrbaev, Artýr Mardanov túsken. Aýdarmasyn Danııar jáne Sandýǵash Súndetbaevtar jasaǵan.
