AQSh-taǵy tyńshylyq áreketke kúdiktiniń biri RF-ǵa jumys istegenin moıyndady
ASTANA. Shildeniń 2-si. QazAqparat - Tyńshylyqqa qatysy bar degen aıyppen AQSh-ta tutqyndalǵan 10 adamnyń bireýi Reseıdiń syrtqy barlaý qyzmetimen jumys jasaǵandyǵyn moıyndady, dep habarlaıdy Bı-Bı-Sı amerıkalyq prokýratýranyń málimdemesine silteme jasap.
Tyńshylyqqa kúdikti - Hýan Lasaro degen esimniń laqap aty ekendigin aıtqan. Óziniń shyn aty-jónin, qaı jaqtan ekendigin aıtýdan bas tartyp otyr. Tergeý boljamy boıynsha, H.Lasaro Reseı azamaty.
Reseı múddesine tyńshylyq jasady degen eki kúdikti - Donald Hıtfıld pen Treısı Lı Enn Folıdiń isin qaraý shildeniń 16-syna qaldyryldy. Búgingi tyńdaý bar bolǵany 15 mınýtke sozyldy.
Taǵy da úsh kúdiktini tyńdaý birneshe kúnge keıinge shegerildi. Aleksandrııa qalasynyń soty (Vırdjınııa shtaty) jaýap berýshilerdiń jańa aqparattar bilemiz degen málimdemelerinen keıin osyndaı sheshim qabyldady, al úshinshi kúdiktiniń advokaty ázirshe joq.
