AQSh-taǵy týrnırdiń shırek fınalynda qazaqstandyq tennısshiler ózara kezdesedi
NUR-SULTAN. QazAqparat – Qazaqstandyq tennısshiler Denıs Evseev pen Beıbit Jýkaev jekeleı synda AQSh-tyń Kanzas shtaty Ýıchıto qalasynda ótip jatqan ITF týrnıriniń shırek fınalyna shyqty, dep habarlaıdy QazAqparat tilshisi.
Osy jarystyń birinshi raketkasy bolyp tirkelgen D.Evseev ekinshi aınalymda amerıkalyq Raıan Sheınmen sheberlik baıqasty.
Qazaqstandyq tennısshi 1 saǵat 25 mınýtqa sozylǵan matchta qarsylasyn 6:4, 7:5 esebimen utty.
Dodanyń altynshy raketkasy D.Evseev taǵy bir amerıkalyq Noa Shahterdan aılasyn asyrdy – 6:4, 6:2.
Endi D.Evseev pen B.Jýkaev shırek fınalda ózara kezdesedi. Qaı jeńgeni jartylaı fınalǵa shyǵady.
Qazaqstandyq tennısshiler juptyq synda da jarys jolyn jalǵastyrýda. Olar shırek fınalda ulybrıtanııalyq Devıd Foks – japonııalyq Sıýıtı Sekıgýtıden ótýge tyrysady.
Eske sala keteıik, budan buryn qazaqstandyq tennısshilerdiń AQSh-taǵy týrnırdi jeńispen bastaǵanyn , Anna Danılınanyń Eýropadaǵy jarystyń fınalyna joldama alǵanyn jazǵan bolatynbyz.
