AQSh-taǵy tornado: Adam shyǵyny 80-nen asty
«Apat saldarynan ondaǵan adam habar-osharsyz ketip, keı qalalar tutas qırady. Jumanyń keshinde bul óńirde 30-ǵa jýyq tornado júrip ótken bolatyn.
Prezıdent Djo Baıden AQSh úkimeti tornado saldarynan zardap shekken eldiń ortalyq aýdandaryna kómektesý úshin qoldan kelgenniń bárin istep jatqanyn aıtty. Baıden Tótenshe jaǵdaı jarıaılaý týraly deklaratsııaǵa qol qoıdy. Bul Kentýkkıge federaldyq qarajat bólýge múmkindik beredi. Óıtkeni apattan kóp zardap shekken osy shtat bolyp otyr. Prezıdenttiń paıymynsha, juma kúni AQSh tarıhyndaǵy eń surapyl tornada bolǵan», - dep jazdy BBC-diń oryssha qyzmeti.
Aqparat resrýsynyń málimeti boıynsha atalǵan Kentýkkı shtatynyń ózinde ǵana 70-ten astam adam qaza bolǵan. Meıfıldtegi zaýytta 100 adamnyń ústine ǵımaratytń shatyry opyrylyp, ondaǵan adam arýhanaǵa jetkizilgen edi. Qırandy astynan 40 adam aman tabylǵan.
Orta batystaǵy 5 shtatta tornado saldarynan keminde 12 adam qaıtys bolǵany habarlanyp jatyr. Illınoıs shtatynyń Edvardsvıll qalasyndaǵy Amazon kompanııasynyń qoımasynda da shatyr qulap, 6 adamnyń opat bolǵany málim boldy. Іz-tússiz joǵalǵandar týraly múldem derek bolmaı jatyr.
Arkanzas shtatynda qaza tapqan eki adamnyń biri jartylaı qıraǵan qarttar úıinen shyǵa almaı qalǵan. Aldyn-ala málimetter boıynsha, Tennessı shtatynda úsh adam qaıtys bolǵan. Al, Mıssýrı shtatynda bir adamnyń ólgeni rastaldy.
Buǵan deıin tornadonyń kesirinen 70 adam ajal qushqany habarlanǵan edi. https://kaz.inform.kz/news/aksh-tyn-ortalyk-shtattarynda-zhoykyn-tornado-zhurip-otti_a3873437
