AQSh-taǵy tennıs matchynda Ekinshi dúnıejúzilik soǵys ýaqytyndaǵy nemis ánurany qoıylyp ketti
MÁSKEÝ. QazAqparat - Amerıkanyń Lahaına qalasynda AQSh pen Germanııa áıelder quramasy arasynda Tennıs federatsııasy kýbogynyń matchynda Ekinshi dúnıejúzilik soǵys ýaqytyndaǵy nemis ánurany oryndaldy, dep habarlady R-Sport AFP-ǵa silteme jasap.
Elıson Rıske men Andrea Petkovıch arasyndaǵy jarys bastalardyń aldynda nemis ánuranynyń tyıym salynǵan mátini qoldanyldy.
AQSh (USTA) tennıs qaýymdastyǵy nemis quramasynyń aldynda keshirim surady. «USTA Germanııa qurmasy men jankúıerlerinen eski ulttyq gımndi qosqany úshin keshirim suraıdy», - delingen Twitter-degi USTA mıkroblogynda.
Germanııa munyń qaıtalanbaıtynyna úmit artatynyn jetkizdi. Mundaı reaktsııa USTA nemis áriptesterinen «Endi bul qaıtalanbaıtynyna ýáde beremiz. Taǵy da shyn júrekten keshirim suraımyz» dep nemis áriptesterinen ekinshi márte keshirim surady.
Kezdesý 7:6 (12:10), 6:2 upaımen amerıkalyqtardyń jeńisimen aıaqtaldy.
