AQSh-taǵy surapyl daýyl: 2,7 mıllıonnan astam adam jaryqsyz qaldy

NUR-SULTAN. QazAqparat - «Isaıas» tropıkalyq daýyly AQSh-tyń shyǵys jaǵalaýynda 2,7 mln astam adamdy elektr jaryǵynsyz qaldyrdy. Bul týraly QazAqparat CNN telekompanııasyna silteme jasap habarlaıdy.

Daýyl 8 shtatty jaıpap ótken. Eń kóp zardap shekken Nıý-Djersı shtatynyń turǵyndary, onda 1,3 mln astam úı jaryqsyz qaldy. Soltústik Karolınada 303 myńnan astam, Vırdjınııada – 347 myńnan astam, Merılendte – 43,8 myńnan astam adam osyndaı jaǵdaıdy basynan keship otyr.

Budan basqa, qaza tapqan 4 adam týraly habarlandy.

«Isaıas» daýyly Amerıkanyń Soltústik Karolına shtatynyń jaǵalaýynda 3 tamyzda, keshqurym bastalǵan edi. Qazirgi kezde ol birshama álsiredi.