AQSh-taǵy sý tasqyny: Lýızıana joldarynda balyq júzip júr
ASTANA. QazAqparat - AQSh jedel qyzmeti sońǵy jyldardaǵy eń iri sý tasqynymen arpalysýda.
Birden alty shtatta tótenshe jaǵdaı jarııalandy, dep habarlady vesti.ru.
Lýızıanada, Arkanzasta jáne Tehasta jaǵdaı barynsha aýyr. Ondaǵan eldi mekender sý astynda qaldy. Úsh jarym myńdaı adam evakýatsııalandy, taǵy 12 mıllıony qaýipti aımaqta. Eger sý deńgeıi kóteriletin bolsa, olar da úılerin tastap shyǵýǵa májbúr bolmaq.
Polıtsııanyń sońǵy derekterine sáıkes bes adam qaza tapty, ondaǵan adam zardap shekken. Al jelide jolda balyqtar júzip júrgeni jaıly beınekórinister paıda boldy.
