AQSh-taǵy sot Samsung kompanııasymen daý-damaıda Apple-diń paıdasyna sheshim shyǵardy
ASTANA. 23 qarasha. QazAqparat - Kalıfornııa soty patentter boıynsha zań buzýshylyq aıasynda smartfondar shyǵarýshy ońtústikkoreıalyq Samsung kompanııasyn amerıkalyq Apple kompanııasyna 290 mln. dollar tóleýge mindettedi. Bul týraly Bı-bı-sı habarlady.
Óz kezeginde Samsung sot sheshimine shaǵym tastaıdy dep kútilýde. Alqa bıler Samsung óziniń 13 qurylǵysyn qurý kezinde Apple jańalyqtaryn zańsyz paıdalandy degen sheshimge keldi. Apple talap-aryzy boıynsha bunyń aldyndaǵy sot otyrysynda ońtústikkoreıalyq kompanııany Apple-ge bir mıllıard dollardan astam qarjy tóleýge mindettegen edi. Alaıda, okrýgtik sýdıa isti jańadan qaraýdy taǵaıyndady.
