AQSh-taǵy saılaý: sheshýshi shtattarda B. Obama az ǵana basymdyqpen alda keledi
ASTANA. 7 qarasha. QazAqparat - Bıylǵy AQSh-taǵy prezıdenttik saılaý eldiń tarıhyndaǵy eń tartysty básekelerdiń birine aınalýy múmkin.
Respýblıkashyl kandıdat Mıtt Romnı Massachýsets shtatynda daýys berdi. Demokrat kandıdat, qazirgi prezıdent Barak Obama ózi tirkelgen Illınoıs shtatyndaǵy saılaý ýchaskesine bardy.
AQSh-tyń shyǵys jaǵalaýyndaǵy keıbir shtattar "Sendı" daýylynyń zardabynan keıin endi es jııa bastaǵandyqtan bul tótenshe jaǵdaı saılaýǵa áser etedi dep sanaıtyndar bar.
Birneshe ekzıt-poll boıynsha eki kandıdat shamalas daýys jınap tur.
Biraq AQSh saılaý zańyna sáıkes kópshiliktiń daýysyn alǵan kandıdat jeńiske birden jete qoımaıdy. Saılaý kollegııalaryndaǵy saılaýshylardyń (vyborşık) kem degende 270-iniń daýysyn jınaýy tıis.
Aldyn-ala saýalnama nátıjeleri Obamanyń Florıda, Ohaıo, Vırdjınııa men Kolorado sııaqty sheshýshi shtattarda Romnıden sál ozyp kele jatqanyn baıqatady.
Saılaýshylar búgin óz shtattarynan básekege túsken kandıdattar arasynan AQSh senatynyń 39 (bosaǵan oryn) jáne kongresiniń 435 múshesin de saılap jatyr, dep habarlaıdy «Azattyq».
