AQSh-taǵy prezıdenttik saılaý: Praımerızde Klınton men Tramp kósh bastap tur
ASTANA. QazAqparat - AQSh-tyń burynǵy bas hatshysy Hılları Klınton seısenbi kúni Arızona shtatynda demokrattar arasynda ótken partııaishilik saılaýda (praımerız) senimdi túrde jeńiske jetti, dep habarlady CNN telearnasy.
Telearnanyń málimetterinshe, Klınton 61,5 paıyz daýysqa ıe boldy. Onyń saılaýaldy básekedegi qarsylasy - senator Bernı Sanders saılaýshylardyń 36,1 paıyz daýysyn jınady. Daýystardyń 41 paıyzy esepteldi.
Mıllıarder Donald Tramp ta Arızona shtatynda Respýblıkalyq partııanyń ishki saılaýynda jeńiske jetti. Telearnanyń málimetterinshe, Tramp 45,4 paıyz daýysqa ıe boldy. Onyń basty qarsylasy - senator Ted Krýz 20,2 paıyz daýys jınady. Ogaıo shtatynyń gýbernatory Djon Keısıkke saılaýshylardyń 10,8 paıyzy daýys bergen.
