AQSh-taǵy poıyz apatynan qaza tapqandar sany alty adamǵa jetti
ASTANA. QazAqparat - Vashıngton shtatynda dúısenbi kúni Amtrak júrdek poıyzynyń apatqa ushyraýy saldarynan qaza tapqandar sany alty adamǵa jetti, dep habarlaıdy TASS Associated Press-ke silteme jasap.
Bul poıyz qozǵalysynyń jyldamdyǵy saǵatyna 128 shaqyrymǵa jetedi, al apat Sıetlden ońtústik baǵytqa qaraı 64 shaqyrymda bolǵan.
Júrdek poıyz 180,8 mılıon dollardy quraıtyn joba aıasynda salynǵan temirjoldyń jańa jelisi boıynsha dúısenbide alǵashqy saparyn jasaǵan. Joba maqsaty - Sıetl men Portlend arasynda jolaýshylar tasymalyn jedeldetý.
Vashıngton gýbernatory Djeı Inslı shtatta tótenshe jaǵdaı engizdi.
Poıyzda mashınısterdi qosqanda 83 adam bolǵan. Apat Takoma qalasynan ońtústik baǵyttaǵy temirjol bóliginde, boldy.
Sıetlden Portlendke bet alǵan Cascades júrdek poıyzynyń birneshe vagony relsten shyǵyp ketip, I-5 kólik jolyndaǵy kópirden qulaǵan.
