AQSh-taǵy órt: Oregon shtatynda ondaǵan adam habarsyz ketti

OREGON. QazAqparat – AQSh-tyń Oregon shtatyndaǵy órt saldarynan ondaǵan myń adam qonystaryn tastap ketýge májbúr bolǵan. Bul týraly QazAqparat VVS silteme jasap habaraıdy.

Shtat gýbernator Keıt Braýnnyń aıtýynsha, Oregondaǵy orman órtine baılanysty ondaǵan myń adam qonys aýdarýǵa májbúr bolǵan. Sondaı-aq órt saldarynan ondaǵan adam habar-osharsyz ketken.

Ol úı ıelerinen tonaý týraly habarlarǵa qaramastan órt oshaqtarynan aýlaq bolýlaryn ótindi.

Oregonanyń Tótenshe jaǵdaılar jónindegi dırektory Endrıý Felps tótenshe jaǵdaıǵa daıyn ekendikterin jetkizdi. Oregon shtatyndaǵy órtten keminde onnan asa adam kóz jumdy. Qazirgi kezde AQSh-tyń 12 shtatynda júzdegen orman órti boldy.

Eske salsaq, buǵan deıin AQSh-tyń batysyndaǵy ormandarda 100-ge jýyq órt bolyp, kem degende jeti adam qaza tapty, myńdaǵan adam kóshirildi, qalalar qırady.