AQSh-taǵy musylman qyz oramaldyń amerıkalyq úlgisine baıqaý jarııalady
ASTANA. 15 qańtar. QazAqparat - AQSh-ta turatyn 31 jastaǵy musylman qyz hıdjabtyń amerıkalyq úlgisin jasaýǵa sheshim qabyldady. muslim.kz saıtynyń jazýynsha osy maqsatta ol ıslam dinindegi qyz-kelinshekterdiń zamanaýı bas kıim túrlerine baıqaý jarııalaǵan.
Vılmet qalasynda turatyn quqyq qorǵaýshysy Shah Kaıserýddın Chicago Tribune gazetine bergen suhbatynda:«Búginde kóptegen qyz-kelinshekter arab stılindegi oramaldy taǵyp júr. Arabtardyń da, malaızııalyqtardyń da, úndilik musylmandardyń da kıetin sharıǵat shálisi bólek. Al biz bolsa, batystyq nemese amerıkalyq úlgidegi jaýlyqty oılap taba almaı júrmiz», - degen.
Bul baıqaýǵa osy eldiń kez-kelgen turǵyny qatysa alady. Ázirge 70 dızaınerden ótinish túsken.
Shah Kaıserýddınniń ózi hıdjabty 11 jasynan bastap kıedi. Ol Amerıkadaǵy musylman qyzdardyń bas kıimi kádimgi kók jeńsili shalbar sııaqty tanymal ári qoǵam úshin tańsyq bolsa eken dep armandaıdy.
