AQSh-taǵy mektepterdiń birinde bolǵan atystan eki adam opat boldy, onyń biri - dırektordiń orynbasary
ASTANA. 6 qańtar. QazAqparat - Amerıkanyń Nebrask shtatyndaǵy Omaha qalasy mektepterdiń birinde sársenbi kúni oqýshylar uıymdastyrǵan atys saldarynan eki adam qaza taýyp, taǵy bir adam jaraqat aldy, dep habarlaıdy jergilikti bılikke silteme jasaǵan Assoshıeıted Press agenttigi.
Bul aqparat RIA jańalyqtar agenttiginde jaryq kórip otyr.
Jergilikti quqyq qorǵaý organdarynyń málimetinshe, oqıǵa Omaha qalasyndaǵy Millard High School mektebinde oryn alǵan. Boljam boıynsha atysty Omaha qalasy polıtsııa departamenti bastyǵynyń uly, kishi Robert Batler bastaǵan. Onyń denesi keıinirek mektep janyndaǵy avtokólik ishinen tabylǵan. Aldyn ala boljam boıynsha, ol ózin-ózi óltirgen.
Jergilikti BAQ aqparattaryna súıensek, 17 jastaǵy mektep oqýshysy 45 jastaǵy mektep dırektory Kýrtıs Keıs pen onyń 58 jastaǵy orynbasary Vıkı Kasparǵa oq atqan, mektep basshysynyń orynbasary alǵan jaraqatynan aýrýhanada kóz jumady.
Al mektep dırektorynyń jaǵdaıy turaqty dep sanalýda.
Mektep oqýshysynyń nelikten bilim ordasynyń basshylyǵyna oq atqany týraly eshqandaı aqparat taralmaǵan. Qala polıtsııasy departamentiniń uly bul mektepke eki aı buryn aýysyp kelgeni ǵana belgili.
