AQSh-taǵy qordyń ulǵaıýyna baılanysty álemdik munaı baǵasy arzandap keledi

ASTANA. QazAqparat - Saýda-sattyq derekteri boıynsha, AQSh-ta «qara altyn» men munaı ónimderi qorynyń ulǵaıýy munaıdyń álemdik baǵasyna teris yqpal etýde.

8 shilde Máskeý ýaqyty boıynsha saǵat 18.22-degi jaǵdaı boıynsha soltústik-teńizdik Brent qospasyna tamyzdaǵy fıýcherstiń quny barreline 56,84 dollarǵa deıin - 0,03 paıyzǵa tómendedi. WTI-ǵa tamyzdaǵy fıýcherstiń baǵasy barreline 51,72 dollarǵa deıin - 1,17 paıyzǵa tústi, dep habarlady RIA Novostı.

Budan buryn AQSh Energııa mınıstrligi energetıkalyq aqparat basqarmasy (EIA) 3 shildede aıaqtalǵan apta boıynsha eldegi munaı qory týraly derekterdi jarııalaǵan. AQSh-taǵy munaıdyń kommertsııalyq qory (strategııalyq rezervti qospaǵanda) 3 shildede aıaqtalǵan aptada 0,4 mıllıon barrelge nemese 0,1 paıyzǵa - 165,8 barrelge deıin ulǵaıǵan.