AQSh-taǵy qarly boran: tabıǵattyń tosyn minezinen kelgen shyǵyn 1 mlrd dollarǵa baǵalanýda
ASTANA. QazAqparat - Jeksenbi kúni keshke deıin jalǵasatyn, AQSh-tyń 11 óńirin qamtyǵan «Djonas» qarly borany amerıkalyqtarǵa aıtarlyqtaı shyǵyn alyp keldi.
Nebári eki kúnniń ishinde Merılendte, Delaver, Vırgınııa, Nıý-Iorkte, Vashıngtonda qardyń qalyńdyǵy 2-den 3 fýtqa (62-93 santımetr) deıin jetti. Al jeldiń jyldamdyǵy saǵatyna 100 shaqyrymǵa deıin. 11 shtat burqasyn astynda qaldy, tótenshe jaǵdaı jeksenbi kúni keshke deıin jalǵasady. Shyǵyn 1 mıllıard dollar dep baǵalanýda.
Beısenbi kúni keshke qarly boran jaıly habardar bolǵan halyq qor jınaýǵa kóshti. Sýpermarketterde uzyn-sonar kezek paıda bolyp, uzaq saqtalatyn azyq-túlikter, sý, jemis, kókónister sóreleri asa jyldamdyqpen bosap otyrdy.
