AQSh-taǵy qarly boran: Mıllıondaǵan adam jaryqsyz qaldy

NUR-SULTAN. QazAqparat – AQSh-tyń ońtústigindegi qarly boran saldarynan 21 adam mert boldy, mıllıondaǵan adam jaryqsyz qaldy, dep habarlaıdy QazAqparat VVS-ge silteme jasap.

Bárinen Tehas shtaty qatty zardap shekti, ondaǵy energojúıe tutyný kóleminiń birden óskenin kótere almaıdy.

AQSh-tyń ońtústik aımaǵy úshin erekshe bolǵan aýa raıy saldarynan Tehas, Lýızıana, Kentýkkı, Soltústik Karolına jáne Mıssýrı shtattarynyń birshama turǵyndary qaza tapty.

AQSh-tyń ońtústik óńirlerindegi rekordtyq sýyq temperatýra áli birneshe kún jalǵasady degen boljam bar. Qazir Amerıka aýmaǵynyń 71%-dan astamyn qar basyp jatyr.