AQSh-taǵy qandy qyrǵyndy elektrshi uıymdastyrǵan
ASTANA. 17 qyrkúıek. QazAqparat - Amerıkandyq BAQ Vashıngtonnyń áskerı bazasyndaǵy atysty uıymdastyrdy degen kúdikti,
polıtseılermen atysta qaza tapqan adamnyń ómirbaıany egjeı-tegjeıli tekserilip jatyr.
CBS telearnasynyń bergen aqparaty boıynsha 34 jastaǵy Aaron Aleksıs VMS-tyń avıatsııalyq qurylymdaryna qyzmet kórsetetin elektrshi bolyp istegen.
Polıtsııanyń málimetine qaraǵanda, atysqandar úsheý bolǵan, olardyń bireýi oqqa ushty. Shabýyl jasaǵan taǵy eki kúdiktini izdeý júrgizilip jatyr. Aleksıstan basqa bazaǵa jasalǵan shabýyl barysynda 12 adam mert boldy. Vashıngton meri Vınsent Greıdiń aıtýynsha, olardyń máıitteri áli tanylǵan joq.
Baza aýmaǵyna Aleksıs jalǵan qujattarmen kirgen. Polıtseıler odan Rollı Chans degen beıtanys atpen jasalǵan tólqujatty tapty. Al ol bolsa bir jyldan beri demalysta júrgen kórinedi.
