AQSh-taǵy iri jol apaty saldarynan 30-dan astam adam zardap shekti
ASTANA. QazAqparat - Amerıkanyń Tehas shtaty Hıýston qalasynda bolǵan jol apatynan 32 adam zardap shekti. Bul týraly reseılik TASS agenttigi ABC telearnasyna silteme jasaı otyryp habarlaıdy.
Qaladaǵy iri joldardyń birinde pıkap júrgizýshisi kóligine ıe bola almaı avtobýsqa soǵylǵan.
Іshinde 40 adamy bar qoǵamdyq kólik joly shetine shyǵyp, bar jyldamdyǵymen baǵanaǵa kelip tirelgen.
Polıtsııanyń habarlaýynsha, 28 adam aýrýhanaǵa jatqyzylyp, tórt adamǵa oqıǵa ornynda medıtsınalyq kómek kórsetilgen.
Jol-kólik oqıǵasy saldarynan kólik qozǵalysy toqtatyldy. Qazir JKO sebep-saldary tekserilýde.
