AQSh-taǵy eń tanymal alyp aǵash qulady
ASTANA. QazAqparat - AQSh-ta eń tanymal - Pioneer Cabin Tree atty alyp aǵash qulady. Kalıfornııada ósetin sekvoıanyń úlkendigi sondaı onyń dińinde kólik ótip keteti týnneli bolǵan, dep habarlaıdy Bı-Bı-Sı agenttigi.
Aǵashty sońǵy on jylda bolmaǵan daýyl sulatyp ketken. Týnnel aǵash atalyp ketken sekvoıanyń jasy bir myń jyldan asatyn.
Ótken demalys kúnderi Kalıfornııa men Nevadaǵa qar aralas jaýyn mólsherden kóp jaýyp kóptegen aǵashtyń qulaýyna jáne sý basýǵa sebepshi boldy.
Sekvoıa dińinde kólik ótetin qýys 1980 jyly alyp aǵashtar ósetin Kalaveras saıabaǵyna týrıster tartý úshin jasalǵan.
Aǵashtyń qulap qalǵany jónindegi sýretti saıabaq ákimshiliginiń Feısbýktaǵy paraqshasynda erikti Djım Oldeı jarııalady.
Alyp sekvoıa aǵashtary Kalıfornııada Serra-Nevada taý betkeılerinde ósedi, olardyń uzyndyǵy 70 metrden asyp jyǵylady.
