AQSh-taǵy eń kishkentaı qala 900 myń dollarǵa satyldy
ASTANA. 7 sáýir. QazAqparat - Amerıkandyq Vaıomıng shtatyndaǵy Býford qalasy odan birden bir jalǵyz turaqty turǵyny ketýge sheshim qabyldaǵannan keıin satýǵa qoıylyp, ótken beısenbi kúni 900 myń dollarǵa satyldy, dep habarlady Assoshıeıted Press.
Agenttik málimetterinshe, qalany Vetnamnyń eki azamaty satyp alǵan.
Tórt gektar aýmaqty alyp jatqan jáne amerıkandyq eń halqy az qala sanatyna jatqyzylǵan qalashyqtyń bastapqy baǵasy 100 myń dollar bolǵan. Satýǵa qalanyń jalǵyz turǵyny ári meri Don Sammonstyń úı-jaıy satýǵa qoıylǵan. Olardyń ishinde kezinde ataqty qylmysker Býtch Kessıdı tonaǵan dúken, 1905 jyly salynǵan ákimshilik ǵımaraty, úsh jatyn bólmesi men shaǵyn sheberhanasy bar turǵyn úı bar.
Býfordta ár túrli kezeńde kóptegen tarıh tulǵalar, sonyń ishinde AQSh-tyń 18-shi prezıdenti Ýlıss Grant bolǵan.
Qala teńiz deńgeıinen 2,5 myń shaqyrym bıiktikte, Nıý-Iork pen Kalıfornııany jalǵastyratyn kúrejoldyń boıynda ornalasqan. Onyń negizin 1886 jyly azamat soǵysyna qatysýshy jáne Gettısberg janyndaǵy urystardyń batyry general Djon Býford qalaǵan. Áýelde munda temirjol salyp jatqan jumysshylardy kúzetken sarbazdar úshin fort ornalasqan.
1970 jylǵa deıin qala temirjol kompanııasynyń ıeliginde boldy, halqynyń sany 2 myń adamǵa jetti, olardyń kópshiligi temirjolda jumys istedi.
