AQSh-taǵy Bostandyq eskertkishi týrıster úshin ýaqytsha jabyldy
ASTANA. QazAqparat - Nıý-Iorktiń basty belgileriniń biri - Bostandyq eskertkishi týrıster úshin jabyldy, dep habarlaıdy TASS.
Federaldyq úkimettiń qarjylandyrýdy ýaqytsha toqtatylýy saldarynan senbi kúni jabyldy. Týrıster ázirge Bostandyq eskertkishin, sondaı-aq basqa kórikti jerlerdi - Gýdzondaǵy Ellıs aralyn da jaqynnan kóre almaıdy.
Atalmysh nysandardyń resmı saıtynda bul shara «qarajattyń bólinbeýine» baılanysty qabyldanǵan habarlanǵan. Bıletterdi aldyn ala satyp alǵandar onyń ornyna basqa ekskýrsııaǵa bara alady.
Nıý-Iork shtatynyń gýbernatory Endrıý Kýomo kórikti oryndardy qaıta ashý úshin qarjyny tezirek tabýǵa tyrysatynyn málim etti. Ol atalmysh eskertkishtiń AQSh-tyń basty belgileriniń biri dep esepteıtinin atap ótti.
Sonymen qatar, eldegi kóptegen kórikti oryndar, sonyń ishinde ulttyq saıabaqtar men mýzeıler ýaqytsha jabyldy.
«Ulttyq saıabaqtardyń barlyǵy jumys istep turǵan joq, biraq biz olardyń qaýipsizdigi men qoljetimdiligin qamtamasyz etý úshin bar kúshimizdi salyp jatyrmyz», - dep jazdy AQSh ishki ister mınıstri Raıan Zınke Twitter-de.
