AQSh-taǵy áýe shoýynda apat boldy

ASTANA. QazAqparat – AQSh-tyń Tehas shtatyndaǵy Dallas qalasynda áýe shoýy kezinde ushý alańynyń ústinde eki ushaq soqtyǵysyp, apatqa ushyrady. «Dallas ústindegi qanattar» shoýy kezinde qaıǵyly oqıǵa týraly jergilikti WFAA habarlady. Ushaqtardyń soqtyǵysý sátiniń vıdeosy áleýmettik jelide jarııalandy, dep habarlaıdy QazAqparat tilshisi.

Belgili bolǵandaı, ushý kezinde eki retro ushaq - Ekinshi dúnıejúzilik soǵystyń eski amerıkalyq bombalaýshysy B-17 jáne áldeqaıda kishkentaı ushaq - P-63 Kingcobra joıǵyshy.

Ushaqtar tómen bıiktikte soqtyǵysyp, birden qulaǵan. Ushaq apatynyń sebebi áli belgisiz, delingen habarlamada.Apat jergilikti ýaqyt boıynsha saǵat 13:25 shamasynda boldy. Ardagerler kúnine arnalǵan áýe shoýyn Áýe qorǵanys kúshteri uıymdastyrdy.Eki ushaq ta tolyǵymen qırady. Resmı tulǵalar B-17 ekıpajy tórt-bes adamnan turatynyn, P-63 kabınasynda bir adam bolǵanyn habarlady, degenmen qaza tapqandardyń naqty sany belgisiz. FAA jáne NTSB apatty tergeýdi bastady.Kýágerlerdiń aıǵaqtaryna jáne áleýmettik jelilerde jarııalanǵan beınelerge sáıkes, P-63F bıiktigin joǵaltyp, ushý-qoný jolaǵyna joǵary jyldamdyqpen buryldy. Ol sol jaq artqy jaǵynda V-17-men soqtyǵysqan. Eki ushaq ta qırap, birneshe sekýndtan keıin jerge qulap, órtenip ketti.