AQSh-taǵy atys: eki jasóspirim kisi óltirý kúdigimen qamaldy

ASTANA. QazAqparat – Alabama shtatynda týǵan kún keshinde bolǵan atystan keıin eki jasóspirimge kisi óltirý qylmysy boıynsha aıyp taǵyldy, dep habarlaıdy QazAqparat BBC-ge silteme jasap.

Polıtsııadan habarlanǵanyndaı, aǵaıyndy Taı Reık Makkaloý (17 jasta) men Trevıs Makkaloý (16 jasta) seısenbi kúngi keshte qamaýǵa alynǵan. Bılik olardyń árqaısysyna 4 tarmaq boıynsha aıyp taǵylǵanyn málim etti. Aıyptaýlar sany áli de artýy múmkin. Prokýrordyń aıtýynsha, kúdiktilerge kámeletke tolǵandar retinde aıyp taǵylmaq.

Sársenbide ótken baspasóz máslıhatynda resmı tulǵalar bul Daıdvıldegi atys oqıǵasy boıynsha tergeýdiń basy ǵana ekenin jetkizdi. Alaıda, ázirge berilgen aqparat óte az. Qylmystyq sebebi nemese qarýdyń túri sııaqty málimetter aıtylmady.

Polıtsııa zardap shekken 32 adamnyń tórteýi áli de aýrýhanada jatqanyn málimdedi, taǵy tórteýiniń jaǵdaıy aýyr.

Eske salsaq, Alabama shtatynyń Deıdvıll qalasynda 16 jastaǵy jasóspirimniń týǵan kúni keshinde atys boldy. Tórt adam qaza taýyp, birneshe adam jaraqat aldy.