AQSh-taǵy atys: 2 adam qaza tapty
ASTANA. QazAqparat - AQSh-taǵy Mıssýrı shtatynda bolǵan atys kezinde eki adam ajal qushyp, bireýi aýyr jaralandy, dep habarlaıdy KMOV telearnasy.
Oqys oqıǵa Sent-Lýıs qalasynyń soltústik bóliginde bolǵan. Polıtsııa qylmys jasalǵan jerge jergilikti ýaqytpen 13:30-da kelgen. Olar ólgen eki adamnyń denesin tapty.
Ázirge polıtsııa atysqa qansha adamnyń qatysqany týraly eshqandaı aqparat bermeı otyr. Keleńsiz jaǵdaıdyń sebep-saldaryn anyqtaý jumystary júrip jatyr.
