AQSh-taǵy Álem chempıonaty: Qazaqstandyq paýerlıfter álem rekordtaryn ornatty
ASTANA. QazAqparat - Búgin AQSh-tyń Las-Vegas qalasynda ótip jatqan paýerlıftıngten Álem chempıonaty máresine jetti. El namysyn qorǵaýǵa attanǵan jalǵyz qazaqstandyq, 21 jastaǵy Ispandııar Qaıyrjan álemniń eki rekordyn jańartty, dep habarlaıdy QazAqparat Sports.kz-ke silteme jasap.
«Jastar arasynda (20-23 jas aralyǵynda) 67,5 kelige deıingi salmaq sanatynda eki medal aldym. Klassıkalyq bitimge tartý dıvızıonynda jeke jattyǵý boıynsha (Deadlift Only) chempıon atanyp, klassıkalyq úshsaıysta (Classic RAW) kúmis medalǵa qol jetkizdim. Óz salmaǵym - 61,5 kg bola tura, otyryp kóterýden 185 kg, jatyp kóterýden 125 kg, bitimge tartýdan 220 kg tasty baǵyndyryp, úshsaıystyń qorytyndysy boıynsha 530 kg jınadym. Jatyp kóterý jáne bitimge tartýdan álem rekordyn ornattym. Bes jyl degende alǵash ret Álem chempıonatynyń altyn medalin aldym», - deıdi sportshy.
