AQSh-taǵy alapat daýyl: 37 adam ajal qushty
ASTANA. QazAqparat - AQSh-ta "Florens" surapyl daýyly saldarynan qaza tapqan adamdar sany 37-ge jetti, dep habarlaıdy Associated Press (AP) agenttigi.
Tabıǵı apattyń kesirinen Soltústik Karolınada shamamen 760 myń, al Ońtústik Karolınada 130 myńnan astam adam elektr jaryǵynsyz qalǵan. Aýyl sharýashylyǵyna da orasan zor zııan keltirilgen. Atap aıtqanda, sý basýy saldarynan shamamen 3,4 mln taýyq jáne 5,5 myń shoshqa qyrylyp qalǵan.
Ádette, joıqyn daýyl maýsymy Atlantıkada 1 maýsymnan bastap 30 qarashaǵa deıin sozylady.
