AQSh-taǵy jumyssyzdyq deńgeıi 4,6%-ǵa deıin kóterildi

ASTANA. KAZINFORM — AQSh-taǵy jumyssyzdyq deńgeıi qarashada 4,6%-ǵa deıin ulǵaıyp, 2021 jyldyń qazanynan beri eń joǵary kórsetkishke jetti. Bul týraly seısenbide AQSh Eńbek statıstıkasy bıýrosy jarııalaǵan derekter kórsetip otyr, dep habarlaıdy Sınhýa.

Qarashada jumyssyzdardyń sany 7,8 mıllıon adamǵa jetip, ótken jyldyń dál osy aıyndaǵy 7,12 mıllıon adam kórsetkishinen aıtarlyqtaı joǵary boldy.

Atap aıtqanda, qarashada 5 aptadan az ýaqyt jumyssyz júrgen adamdar sany 2,5 mıllıonǵa jetip, qyrkúıek aıymen salystyrǵanda 316 myńǵa artty. Al uzaq merzimdi jumyssyzdardyń sany qarashada azdap ósip, 1,9 mıllıon adamǵa jetti, bul jalpy jumyssyzdardyń 24,3%-yn quraıdy.

Sonymen qatar, qarashada eńbekke qatysý deńgeıi 62,5%-ǵa jetip, qyrkúıektegi 62,4%-dan sál artty.

Qarashada aýyl sharýashylyǵynan tys jańa jumys oryndarynyń sany 64 myńǵa kóbeıdi, bul sarapshylar boljamynan (40 myń) joǵary. Jumysqa qabyldaý densaýlyq saqtaý, qurylys jáne áleýmettik kómek salalarynda artqan, al kólik, qoıma isi jáne federaldyq mekemelerde kerisinshe qysqartýlar baıqalǵan.

Osydan buryn Tramp ákimshiligi barlyq sheteldik týrısten elge kirý úshin sońǵy bes jyldaǵy áleýmettik jelilerdegi belsendiligi týraly derekterin talap etýdi josparlap otyrǵanyn jazǵan edik.