AQSh-taǵy ushaq apaty: qazaqstandyqtar týraly ne belgili

ASTANA. KAZINFORM - QR Syrtqy ister mınıstrligi AQSh-ta apatqa ushyraǵan ushaqtyń bortynda qazaqstandyqtardyń bar-joǵyn anyqtap jatyr, dep habarlaıdy Kazinform Jibek Joly telearnasyna silteme jasap. 

Áýe kemesi Astana ýaqyty boıynsha tańǵy saǵat 7-de Vashıngton áýejaıyna qonar aldynda áskerı tikushaqpen soqtyǵysqan. Ushaq jergilikti Potomak ózenine qulaǵan. 

Amerıkalyq aqparat quraldarynyń habarlaýynsha, ushaq bortynda 60 jolaýshy men 4 ekıpaj múshesi bolǵan. 30-dan astam qurbannyń denesi sýdan shyǵaryldy.

Ushaqta mánerlep syrǵanaýdan AQSh chempıonatynan ushyp kele jatqan reseılik sportshylar bolǵan. 

Buǵan deıin Tramp Vashıngtondaǵy ushaq apatynan eshkim aman qalmaǵanyn málimdegen bolatyn. 

Memleket basshysy AQSh Prezıdenti Donald Trampqa kóńil aıtty.