AQSh-taǵy ýnıversıtette atys bolyp, bes adam jaraqat aldy
ASTANA. KAZINFORM — AQSh-tyń Vırdjınııa shtatyndaǵy ýnıversıtette senbi kúni tańerteń atys bolyp, birneshe adam jaraqat aldy. Oqıǵaǵa baılanysty Rıchmond qalasynan shamamen 32 shaqyrym jerde ornalasqan oqý ornynyń kampýsy jabyldy. Bul týraly The Guardian polıtsııaǵa silteme jasap, habarlady.
Ýnıversıtet ákimshiliginiń málimetinshe, atysqa birneshe kúdikti qatysqan. JOO-ǵa qarasty Chesterfıld okrýginiń polıtsııasy oqıǵa ornyna kelgen kezde kampýstaǵy stýdentter jataqhanalarynyń mańynan oq jaraqatyn alǵan bes adamdy anyqtaǵan. Olardyń barlyǵy jergilikti aýrýhanalarǵa jetkizildi.
Jaraqat alǵandardyń tórteýiniń jaǵdaıy ómirine qaýip tóndirmeıdi.
Senbi kúni tústen keıin jergilikti polıtsııa atys jasaǵandardyń sany bir adamnan kóp bolýy múmkin ekenin málimdedi. Qazirgi ýaqytta kúdiktilerdiń eshqaısysy qamaýǵa alynǵan joq.
Eske sala keteıik, Taılandta oqýshy mektepte oq jaýdyryp, jeti adam qaza tapty.
