AQSh-taǵy týrnırde Býblık pen Kýkýshkın qarsylastarynan basym tústi

ASTANA. KAZINFORM – Qazaqstandyq tennısshiler Aleksandr Býblık pen Mıhaıl Kýkýshkın Fınıks (AQSh) chellendjer týrnıriniń ekinshi aınalymyna shyqty.

Qazaqstannyń birinshi, álemniń 82-raketkasy Aleksandr Býblık bastapqy kezdesýinde reıtıngide 64-orynda turǵan aýstralııalyq Aleksandr Výkıchten aılasyn asyrdy.

Býblık qarsylasyn 6:3, 3:6, 6:3 esebimen tize búktirdi.

Saǵat jarymnan astam ýaqytqa sozylǵan báseke barysynda qazaqstandyq tennısshi eıs sanyn 19-ǵa jetkizip, 6 breık-poınttyń ekeýin paıdalandy. Výkıch 6 eıs, 1 breıkpen (2 breık-poınt) shekteldi.

A.Býblık shırek fınalǵa shyǵý úshin reıtıngide ózinen bir saty tómen turǵan japonııalyq Rınkı Hıdjıkatamen talasady.

Jarysty irikteý saıystarynan bastaǵan reıtıngide 166-satydaǵy Mıhaıl Kýkýshkın álemniń 160-raketkasy, japonııalyq ıAsýtaka Ýtııamany joldan taıdyrdy – 6:4, 6:2.

Bir saǵat 28 mınýttyq matchta Kýkýshkın 2 eıs, 4 breıkpen (6 breık-poınt) erekshelendi. Ýtııama 3 eıspen birge 1 breık jasady.

M.Kýkýshkın ekinshi aınalymda álemniń 67-raketkasy, ıtalııalyq Lıýka Nardı nemese reıtıngide 76-oryndaǵy taǵy bir japonııalyq Keı Nısıkorıdiń qaı jeńgenimen kezdesedi.

Eske sala keteıik, budan buryn Jibek Qulambaevanyń Majarstandaǵy týrnırde jarystyń 4-raketkasyn utqanyn jazǵan bolatynbyz.