AQSh-taǵy tártipsizdikti retteý úshin 20 myńnan astam áskerı qyzmetker jumyldyryldy

ASTANA.KAZINFORM — Pentagon búkil AQSh aýmaǵynda azamattyq tártipsizdikterdi basý týraly Donald Tramptyń buıryǵyn oryndaý maqsatynda Ulttyq gvardııanyń 20 myńnan astam áskerı qyzmetshisin daıarlamaq, dep jazdy Kazinform agenttiginiń menshikti tilshisi The Guardian-ǵa silteme jasap.

AQSh-tyń 50 shtatynyń, Kolýmbııa okrýginiń jáne eldiń barlyq aýmaqtarynyń Ulttyq gvardııalary dýbınkalar, qalqandar, elektroshokerler jáne burysh ballondaryn qoldanýdy qosa alǵanda, «jappaı tártipsizdikterdi basýǵa» arnalǵan «jyldam áreket etý kúshterin» quryp jatyr.

Jyldam áreket etý kúshteriniń sany boıynsha shekti kórsetkishter belgilendi — ár shtatta 500 ulttyq gvardııa áskerı qyzmetshi bolady. Jalpy alǵanda, el boıynsha 23 500 áskerı qyzmetker daıyndalady.

Pentagon barlyq shtattarǵa jáne AQSh-tyń barlyq aýmaqtaryna, sonyń ishinde Gýamǵa deıin, áskerı nusqaýshylardy jiberedi. Maqsat — jyldam áreket etý kúshterin 2026 jyldyń 1 qańtaryna deıin «jumysqa qabiletti» kúıge keltirý. Ár shtatqa sondaı-aq «jappaı tártipsizdikterdi basýǵa arnalǵan 100 jıyntyq qural-jabdyq» beriledi.

Buǵan deıin AQSh-tyń joǵary laýazymdy tulǵalarynyń áskerı bazalarǵa kóshe bastaǵany habarlanǵan bolatyn.