AQSh-taǵy sý tasqyny: bir shtatta tótenshe jaǵdaı rejımi jarııalandy
ASTANA. KAZINFORM – AQSh-tyń Nıý-Djersı shtatynda tolassyz nóser saldarynan keminde eki adam qaza tapty, dep habarlaıdy Euronews.
Pleınfıld qalasynda bolǵan qatty daýyl kezinde eki áıel qaza boldy, olardyń kóligin tasqyn sý ózenge aǵyzyp áketken.
Nıý-Djersı shtatynyń gýbernatory Fıl Merfı tótenshe jaǵdaı jarııalap, keıbir aýdandarda eki jarym saǵattyń ishinde 150 mıllımetrden astam jaýyn-shashyn túskenin málimdedi. Ol mundaı tótenshe tabıǵı qubylystardyń jıileýi men kúsheıýin klımattyń ózgerýimen baılanystyrady.
— Men búkil shtat aýmaǵynda nóser jaýyn men kúshti naızaǵaıǵa baılanysty tótenshe jaǵdaı jarııalaımyn. Úıde bolyńyzdar, asa qajet bolmasa syrtqa shyqpańyzdar, — dep jazdy gýbernator áleýmettik jeli X paraqshasynda.
I am declaring a State of Emergency given flash flooding and high levels of rainfall in parts of the state.
— Governor Phil Murphy (@GovMurphy) July 14, 2025
Please stay indoors and avoid unnecessary travel. Stay safe, New Jersey.
Tabıǵı apat kórshiles Nıý-Iork shtatyna da áser etti, munda da jaýyn saldarynan joldardy sý basty. Manhettendegi Ortalyq saıabaq aýdanynda bir saǵat ishinde 50 mıllımetrden astam jaýyn-shashyn túsken. Nıý-Iork meri Erık Adamstyń aıtýynsha, bul qala tarıhynda tirkelgen ekinshi eń joǵary kórsetkish.
Ýestchester okrýginde qutqarýshylar qatty sý basqan kóshelerde adamdardy kólikterinen shyǵaryp, qaýipsiz jerge evakýatsııalaýǵa kómektesti.
Buǵan deıin AQSh-tyń Tehas shtatynda da joıqyn sý tasqyny bolǵany habarlanǵan edi. Onda apattan qaza tapqandar sany keminde 129 adamǵa jetken.
Aıta keteıik, Katalonııada tolassyz jaýǵan jańbyrdan sý tasqyny bolǵan edi.
