AQSh-taǵy prezıdent saılaýy qalaı ótip jatyr
ASTANA. KAZINFORM — AQSh-taǵy prezıdent saılaýy tynysh jaǵdaıda ótip jatyr, biraq amerıkalyqtar arasynda alańdaýshylyq bar, dep habarlaıdy Kazinform agenttiginiń menshikti tilshisi.
Harrıs pen Tramp saılaýshylarynyń kópshiligi ekinshi tarap jeńilse, saıası shıelenis bolýy múmkin dep alańdaıdy.
Shamamen 10 azamattyń 7-eýi (eki jaqtan da) prezıdent saılaýynyń nátıjesine baılanysty shıelenis bolýy múmkin dep sanaıdy.
Eldegi jaǵdaıǵa baılanysty narazylyqtar da bar. Donald Tramp saılaýshylarynyń basym bóligi aǵymdaǵy ekonomıkany teris dep sanaıdy, al Kamala Harrıs saılaýshylary kerisinshe baǵalaıdy.
Sonymen qatar, 15 shtat Ulttyq gvardııany saılaý kúnine jumyldyrdy: Alabama, Arızona, Delaver, Gavaıı, Illınoıs, Aıova, Nıý-Meksıko, Soltústik Karolına, Oregon, Pensılvanııa, Tennessı, Tehas, Vashıngton, Vıskonsın jáne Batys Vırdjınııa.
Ulttyq gvardııa bıýrosy prezıdenttik saılaý kezinde bolýy múmkin azamattyq tolqýlarǵa baılanysty Kolorado, Oregon, Vashıngton, Florıda, Nevada jáne Kolýmbııa okrýgi sııaqty birneshe shtatta 85-ke jýyq qyzmetker saqtyq sharasy retinde kútý rejıminde ekenin aıtty.
Saılaý nátıjeleri seısenbi kúni keshke búkil el boıynsha saılaý ýchaskeleri jabylǵannan keıin shyǵa bastaıdy. Degenmen kóptegen negizgi shtattarda kimniń jeńgenin bilý úshin biraz ýaqyt qajet, al resmı nátıjelerdi alý úshin odan da kóp ýaqyt ketýi múmkin.
Eske salsaq, AQSh-ta prezıdent saılaýy bastaldy.
AQSh prezıdentine kandıdat Donald Tramp Palm-Bıch ýchastiginde daýys berdi.
Sondaı-aq, Tramp jeńiske jetý úshin qajet 270 saılaýshy daýysynyń jartysynan kóbin jınaǵany habarlandy.
Bul rette AQSh-taǵy prezıdent saılaýy Qazaqstanǵa qalaı áser etetini jaıly jazǵan edik.
