AQSh-taǵy munaı óńdeý zaýytynda jarylys boldy

ASTANA. KAZINFORM - AQSh-tyń Tehas shtatyndaǵy Port-Artýr qalasynda ornalasqan munaı óńdeý zaýytynda jarylys boldy, zardap shekkender joq, dep habarlaıdy Anadolu.

Port-Artýr polıtsııa departamentiniń málimetinshe, Valero Energy kompanııasyna tıesili zaýyttaǵy jarylystan keıin órt shyqqan.

Qala meri Sharlotta M. Mozes jarylys saldarynan eshkim zardap shekpegenin aıtty. Oqıǵa ornyna órt sóndirý qyzmeti jiberilip, jalyndy oqshaýlaý jumystary júrgizildi.

Bılik qaladaǵy batys aýdandardyń turǵyndaryna qaýipsizdik maqsatynda úılerinde qalýdy usyndy.

Jarylystyń naqty sebebi ázirge anyqtalǵan joq.

Áleýmettik jelilerde jarııalanǵan beınejazbalarda zaýyt ústinen qoıý tútin kóterilgeni baıqalady.

Valero Energy saıtyndaǵy málimetke sáıkes, kásiporynda shamamen 770 adam jumys isteıdi, táýliktik óńdeý qýaty 435 myń barrel munaıdy quraıdy.

Eske salaıyq, buǵan deıin Iran Ormýz buǵazyn tolyq jabatynyn málimdegen bolatyn.

Sondaı-aq AQSh prezıdenti Donald Tramp buǵan deıin buǵaz 48 saǵat ishinde ashylmasa, Irannyń elektr stantsııalaryn «joıyp jiberetinin» eskertken edi.