AQSh-taǵy Kolorado ózeniniń sý qoımalary rekordtyq tómen deńgeıge tústi
ASTANA. KAZINFORM – AQSh-tyń batysyndaǵy jeti shtat tez taýsylyp jatqan sý qorlaryn qalaı bólý kerektigi týraly kelisimge kele almady. Bul ondaǵan jyldarǵa sozylǵan sý daǵdarysyn ýshyqtyryp otyr, dep habarlaıdy CBS News.
Tómengi basseın shtattary – Kalıfornııa, Arızona jáne Nevada 2015 jyldan beri sý tutynýdy shamamen 20%-ǵa azaıtqanyn habarlaıdy. Al joǵarǵy basseındegi shtattar – Kolorado, Vaıomıng, ıÝta jáne Nıý-Meksıko sý tutynýdy arttyrýdy jalǵastyryp otyr. Jeti shtat qarqyndy taýsylyp jatqan sý qorlaryn qalaı bólý kerektigi týraly kelisimge kele almaı otyr.
Daǵdarys klımattyń ózgerýi men halyq sanynyń ósýimen ýshyǵyp barady. Jartasty taýlarda qar jamylǵysynyń azaıýyna baılanysty Kolorado ózenine erigen sý kólemi azaıdy.
Eger Paýell kólindegi sý deńgeıi taǵy 10 metrge tómendese, sý qoımasy gıdroelektroenergııa óndirýdi qamtamasyz ete almaıdy. Al sý bóget arqyly Kolorado ózenine aǵyp kete almaıdy. Qazirgi kezde Mıd jáne Paýell sý qoımalary 30%-dan az tolyp tur. Sondyqtan sarapshylar bılik organdaryn múmkindiginshe tezirek kelisimge kelýge shaqyryp otyr.
Kalıfornııa, Arızona jáne Nevada aldaǵy eki jylda sýdy paıdalanýdy jylyna shamamen 500 mlrd gallonǵa qysqartýdy usyndy.
Osyǵan deıin elimizde sý únemdeý tehnologııasyn engizýdi qoldaıtyn keshendi baǵdarlama ázirlenetinin habarladyq.
