AQSh-taǵy ICE ýaqytsha ustaý ızolıatorynda Qytaı azamaty óz-ózine qol jumsady

ASTANA. KAZINFORM — Qytaı azamaty Chaofeng Ge AQSh-tyń Pensılvanııa shtatyndaǵy Moshannon Valley Processing Center ızolıatorynda óli kúıinde tabyldy, dep habarlaıdy ABC News.

Málimetterge sáıkes, ony AQSh-tyń Immıgratsııa jáne keden qyzmeti (ICE) tutqyndap, bes kún buryn ızolıatorǵa ornalastyrǵan. 32 jastaǵy jigit jýynatyn bólmede moınynan asylǵan kúıinde tabylǵan. Tergeý barysynda qolmen jazylǵan jazba tabylyp, qylmys belgileri anyqtalmaǵan. Oqıǵa ózin-ózi óltirý retinde qarastyrylýda.

Chaofeng Ge qańtarda nesıe kartasy boıynsha alaıaqtyq jasady degen kúdikpen qamaýǵa alynyp, kinásin moıyndaǵan. Ol 6 aıdan 12 aıǵa deıin bas bostandyǵynan aıyryldy, biraq úkim jarııalanǵannan keıin ICE ızolıatoryna aýystyryldy. ICE baspasóz qyzmeti barlyq ustalǵandarǵa medıtsınalyq-psıhologııalyq saraptama júrgiziletinin, al AQSh ishki qaýipsizdik mınıstrligi mundaı ólim faktileri muqııat tekserilip jatqanyn aıtty.

Eske sala keteıik, AQSh-ta medıtsınalyq ushaq apatqa ushyrap, 4 adam qaza tapty.