AQSh-taǵy festıval kezinde bolǵan atystan 12 adam zardap shekti
ASTANA. KAZINFORM – AQSh-tyń Ogaıo shtatyndaǵy Toledo qalasynda ótken festıval mańynda bolǵan atys saldarynan keminde 12 adam jaraqat aldy, dep habarlaıdy Sınhýa.
Aldyn ala málimet boıynsha, zardap shekkenderdiń ekeýi aýyr halde jatyr.
Toledo qalasy polıtsııasy bastyǵynyń orynbasary Djo Heffernannyń aıtýynsha, oqıǵaǵa keminde eki adamnyń qatysy bolýy múmkin.
– Bir-birine oq atqan keminde eki adam bolǵan sııaqty, – dedi ol.
Polıtsııa kúdiktilerdi izdestirip jatyr jáne turǵyndarǵa oqıǵa ornyna jaqyn aýmaqtardan aýlaq bolýdy eskertti.
Quqyq qorǵaý organdary qyzmetkerleri Old West End festıvali ótip jatqan jerge kelgen kezde birneshe jaralanǵan adamdy anyqtaǵan. Zardap shekkender medıtsınalyq kómek kórsetý úshin aýrýhanalarǵa jetkizildi.
Old West End festıvali – jandy mýzyka kontsertteri, azyq-túlik jármeńkeleri, ekskýrsııalar men saýda-sattyq baǵdarlamalaryn qamtıtyn eki kúndik mádenı is-shara.
Aıta keteıik, Ekvador portyndaǵy órtten 35 keme zardap shekti.
