AQSh-taǵy Elmendorf-Rıchardson áskerı bazasy týraly ne bilemiz
ASTANA.KAZINFORM — Vladımır Pýtın men Donald Tramptyń kezdesýi ótetin Ankorıdj qalasyndaǵy Elmendorf-Rıchardson áskerı bazasy 2010 jyly qurylǵan, dep jazdy Kazinform agenttiginiń tilshisi TASS-qa silteme jasap.
Elmendorf-Rıchardson — AQSh Qarýly kúshteriniń biriktirilgen áskerı bazasy. Ol Ankorıdj mańyndaǵy 1940 jyly qurylǵan Elmendorf áskerı-áýe bazasy men Fort Rıchardson qurlyq áskerleri bazasynyń birigýi arqyly 15 jyl buryn, ıaǵnı 2010 jyly paıda boldy.
Qazirgi ýaqytta bul bazada:
• áýe kúshteriniń bólimsheleri ornalasqan,
• qurlyq áskerleri de osy bazada qyzmet etedi,
• Soltústik Amerıka áýe-ǵaryshtyq qorǵanys komandovanıesiniń (NORAD) Alıaska aımaǵyndaǵy shtaby,
• jáne AQSh Qarýly kúshteriniń Alıaskadaǵy qolbasshylyǵy (Soltústik qolbasshylyqtyń quramyndaǵy qurylymdyq bólimshe) jumys isteıdi.
Bazada 5,5 myńnan astam áskerı qyzmetshi men azamattyq qyzmetkerler eńbek etedi.
Elmendorf-Rıchardson aýmaǵynda:
• oqý jáne taldaý ortalyqtary,
• ınjenerlik, logıstıkalyq jáne medıtsınalyq bólimsheler ornalasqan.
• Bazanyń ınfraqurylymynyń jalpy quny 12 mıllıard dollardan asady.
Qazirgi kezde bazada ushý-qoný jolaǵyn uzartý boıynsha qurylys jumystary júrgizilýde. Bul joba 360 mıllıon dollarǵa baǵalanǵan jáne ony 2026 jylǵa qaraı aıaqtaý josparlanǵan.
1971 jyly AQSh-tyń 37-prezıdenti Rıchard Nıkson osy bazada Japonııa ımperatory Hırohıtony qarsy alǵan.
Bul kezdesý qysqa bolǵan — ımperator Eýropaǵa sapar shegip bara jatqanda Ankorıdjde ushaǵyna janarmaı quıylǵan. Ol Alıaskada bar bolǵany 110 mınýt bolǵan. Alaıda bul — japon ımperatory alǵash ret óz elinen shyqqan tarıhı oqıǵa edi. Sol kezde 5 myń adam angarǵa jınalyp, Nıksonnyń ımperatordy qarsy alý sátin kórýge kelgen.
Buǵan deıin habarlanǵandaı, Pýtın men Tramp Ankorıdjdegi áskerı baza aýmaǵynda kezdesetin bolady.