AQSh-taǵy daýyl: 24 shtatta tótenshe jaǵdaı jarııalanyp, 11 adam qaza tapty
ASTANA.KAZINFORM - AQSh-qa qalyń qar men aıaz ákelgen «Fern» daýylynan kem degende 11 adam qaza tapty. On myńǵa jýyq reıs toqtatyldy, mıllıonnan astam tutynýshy elektr qýatynsyz qaldy, dep habarlaıdy Kazinform agenttigi.
AQSh-tyń 24 shtatynda tótenshe jaǵdaı jarııalandy.
Jeksenbi kúngi daýyldyń sharyqtaý sheginde Tehastan Soltústik jáne Ońtústik Karolınaǵa deıingi segiz shtatta mıllıonnan astam úı men kásiporyn elektr qýatynsyz qaldy. Ásirese Tennessı shtaty tutas jaryqsyz qaldy.
The Weather Channel basylymynyń habarlaýynsha daýyl kezinde 17 000-nan astam reıs toqtatyldy.
Іri qalalardaǵy mektepter dúısenbi kúni sabaqtaryn toqtatty nemese qashyqtan oqytýǵa kóshti.
BBC -diń habarlaýynsha, 200 mıllıonnan astam amerıkalyq ekstremaldy aýa raıynyń saldaryna tap bolýy múmkin.
El boıynsha azyq-túlik dúkenderiniń sóreleri tez bosap jatyr, al kóptegen aımaq turǵyndary aldaǵy kúnderi syrtqy álemmen baılanystan ajyrap qalýy múmkin degen boljam aıtyldy.
Reuters agenttiginiń habarlaýynsha, aýa raıy qyzmeti daýyl dúısenbi kúni Shyǵys jaǵalaýynan Atlant muhıtyna qaraı jyljıdy, odan keıin arktıkalyq aýanyń qosymsha aǵyny paıda bolyp, qatty sýyq pen muzdy aýa raıy aldaǵy birneshe kúnge sozylady dep boljaıdy.
- Bul daýyl jaǵdaıy óte erekshe, sebebi biraz ýaqyt sýyq bolady, - dedi Іshki qaýipsizdik mınıstri Krıstı Noem «Fox News Sunday Briefing» baǵdarlamasynda.
Zardap shekken aımaqtardyń, ásirese Tehastyń soltústigindegi turǵyndar kóshelerdiń konkı tebý alańdaryna aınalǵanyn aıtady.
Buǵan deıin AQSh-ta qarly boran saldarynan shamamen 770 myń adam jaryqsyz qalǵanyn habarlaǵan edik.
