AQSh-taǵy chempıonat sherýinde bolǵan atystan 1 adam qaza taýyp, 21 adam jaraqat aldy
ASTANA. KAZINFORM – Kanzastaǵy «Kanzas-Sıtı Chıfs»» Sýperboýl jeńimpazdarynyń chempıondyq sherýinde bir adam qaza taýyp, taǵy 21 adam jaralanǵan. Atys saldarynan úsh adam qamaýǵa alyndy, dep habarlaıdy Euronews.
Habarlanǵandaı, birneshe adamnyń jaǵdaıy aýyr. Jaraqat alǵandar arasynda toǵyz bala bar, biraq dárigerler olardyń ómirine qaýip tónip turǵan joq dep sendirdi. Jergilikti radıostantsııa kóz jumǵan áıel olardyń dıdjeıi Laıza Lopes ekenin jazdy. Úsh kúdikti qamaýǵa alyndy. Polıtsııa qylmystyń sebebin anyqtaýǵa kiriskenin málimdedi.
Oqıǵa sherýdiń eń sońynda, komanda myńdaǵan jankúıerlerdiń aldynda áli sahnada bolǵan kezde boldy. Іs-sharaǵa birneshe júz polıtsııa qyzmetkeri, órt sóndirýshiler men jedel járdem qyzmetkerleri de qatysyp, zardap shekkenderge dereý alǵashqy medıtsınalyq kómek kórsetti.
«Búgingi sherý aıaqtalǵannan keıin ıÝnıon-Steıshn mańynda bolǵan maǵynasyz zorlyq-zombylyq áreketi bizdi qatty qynjyltady», - delingen «Chıfs» basshylarynyń málimdemesinde.
Komandanyń juldyzdy «taıt-endy» jáne Teılor Svıfttiń jigiti Trevıs Kelst H áleýmettik jelisindegi paraqshasynda bul oqıǵaǵa «júregi aýyrǵanyn» jazdy.
