AQSh-taǵy boks keshinde Sadrıddın Ahmetov qarsylasymen teń tústi

ASTANA. KAZINFORM — Qazaqstandyq kásibı boksshy Sadrıddın Ahmetov Kommers qalasynda (AQSh, Kalıfornııa) meksıkalyq Elıas Espadaspen 10 raýndtyq jekpe-jegin ótkizdi. 

Osyǵan deıin birinshi orta salmaqta Sadrıddın Ahmetov 15 kezdesýdiń 13-in nokaýtpen aıaqtaǵan edi.

E.Espadas ta (23-6, 16 KO) osal emes-ti.

Boks keshiniń basty jekpe-jegi qazaqstandyq boksshynyń basymdylyǵymen ótti. Onyń soqqylary dóp tıip jatty. Alaıda tóreshiler urysty teń dep baǵalady.

Osylaısha, S. Ahmetov te, E.Espadas ta óz sporttyq joldarynda alǵash ret teń nátıje kórsetti.

Jekpe-jekten keıin Sadrıddın Ahmetov bári de alda ekendigin aıtyp, qazaqstandyq jankúıerlerge alǵysyn bildirdi.

Eske sala keteıik, budan buryn Reseıdegi týrnırden qazaqstandyq boksshylardyń 11 medal alyp qaıtqanyn jazǵan bolatynbyz.