AQSh-taǵy atys: segiz balany óltirgen kúdikti olardyń jeteýiniń ákesi bolyp shyqty
ASTANA. KAZINFORM – AQSh-tyń Lýızıana shtatyndaǵy Shrıvport qalasynda jeksenbi tańerteń bolǵan atys kezinde segiz bala qaza tapty. Qaıǵyly oqıǵany jasaǵan er adam olardyń jeteýiniń ákesi bolyp shyqqan, dep habarlaıdy Associated Press agenttigi.
Polıtsııa kúdiktiniń kim ekenin anyqtady – ol Shamar Elkıns. Quqyq qorǵaý organdarynyń málimetinshe, ol polıtsııaǵa burynnan tanys eken. ıAǵnı 2019 jyly zańsyz qarý saqtaý isi boıynsha ustalǵan. Elkıns polıtsııa ony qolǵa túsirý kezinde oqqa ushyp, qaza tapty.
Qaza bolǵan balalardyń jasy 1 men 12 aralyǵynda. Jaralanǵan eki áıeldiń biri – balalardyń anasy. Eki zardap shegýshi de aýyr jaǵdaıda.
Jaralanǵan áıelderdiń biriniń týysy Krıstal Braýnnyń aıtýynsha, Elkıns pen onyń jubaıy ajyrasý protsesinde bolǵan jáne dúısenbi kúni sotqa kelýi tıis edi. Qaıǵyly oqıǵa aldynda olardyń arasynda janjal týyndaǵan. Elkınstiń jubaıymen ortaq tórt balasy, al jaqyn mańda turǵan basqa áıelden úsh balasy bolǵan. Oqıǵa kezinde barlyq balalar bir úıde bolǵan.
Kýágerdiń sózinshe, aldymen Elkıns bir úıde áıeldi atyp, keıin ekinshi úıge baryp, jappaı atys jasaǵan. Jeti bala úı ishinde qaza tapsa, taǵy bir balanyń máıiti shatyrdan tabylǵan – ol qashyp qutylýǵa tyrysqan bolýy múmkin. Kórshiler keıbir balalardyń artqy esik arqyly qashýǵa árekettengenin aıtqan.
Atystan keıin kúdikti qarýmen qorqytyp, kólik aıdap ketken. Polıtsııa ony qýyp jetip, atys kezinde óltirdi.
Associated Press pen USA Today derekterine sáıkes, bul – 2024 jyldyń qańtarynan beri AQSh-taǵy eń kóp adam qaza tapqan jappaı atys oqıǵasy bolyp otyr.
Shrıvport qalasynyń meri Tom Arseno bolǵan jaǵdaıdy «qala tarıhyndaǵy eń aýyr tragedııalardyń biri» dep atady. Lýızıana shtatynyń gýbernatory Djeff Landrı jáne Ókilder palatasynyń spıkeri Maık Djonson qaza tapqandardyń otbasylaryna kóńil aıtyp, quqyq qorǵaý organdarynyń áreketin joǵary baǵalady.
Eske sala ketsek, buǵan deıin AQSh-ta atys saldarynan segiz bala qaza tapqanyn jazdyq.
