AQSh-ta jynystyq qatynas juqpalarynyń indeti bastaldy
ASTANA. QazAqparat - AQSh-ta jynystyq qatynas joldary arqyly ınfektsııa juqtyrý oqıǵalarynyń sany artýda. Mundaı qorytyndyny aýrýlardy baqylaý jáne olardyń aldyn alý jónindegi ortalyqtardyń (CDC) mamandary jasap otyr, dep habarlaıdy QazAqparat Lenta.rý-ǵa silteme jasap.
Soltústik Amerıkada jıi kezdesetin jynystyq qatynas juqpalaryna hlamıdıoz (1,5 mln. oqıǵa tirkelgen), gonoreıa (400 myń oqıǵa) jáne merez (24 myń oqıǵa) jatady. CDC dırektory Djonatan Mermınniń (Jonathan Mermin) aıtýynsha, mundaı kórsetkishter jynystyq qatynas ınfektsııalarynyń aldyn alýdaǵy medıtsınalyq sharalardyń tómen deńgeıin kórsetip otyr.
Hlamıdıozdy juqtyrý oqıǵalarynyń úshten ekisi jáne gonoreıaǵa shaldyǵýdyń teń jartysy 15-24 jastaǵy adamdardyń úlesinde. Bul rette, klınıkalardy eń kóp jaǵalaıtyn naýqastar - gomoseksýaldy er adamdar. 2015 jyly áıelder arasynda merezdi juqtyrý 27 paıyzdan astamǵa artty. Degenmen, tómen deńgeıin saqtap otyr.
